Mac̓ałi da m̓əlm̓əlba kʷikʷ?

P̓ip̓aƛ̓um̓asi da m̓əlm̓əlba kʷikʷ.

C̓əlkʷi da ʔəlkʷes sa m̓əlm̓əlba kʷikʷ.

Masi ǧʷełasas sa kʷikʷ?

M̓əlstuwi xumpses λuwi c̓əlk̓əx̌stēyas sa ʔolak̓əni m̓əlm̓əlba kʷikʷ.

Kʷənx̌stuwi c̓əlc̓əlqes lax̌is ʔugʷidi.

Łok̓ʷimasi  λu qalukʷałi λənƛay̓uwes sa m̓əlm̓əlba kʷikʷ.

̓ixʷstuwi da  m̓əlm̓əlba kʷikʷ.

Hənƛ̓inukʷi da m̓əlm̓əlba kʷikʷ. “Birds of prey” niki da mamałʔa.

ʔOla ʔixbi gec̓əmes.

Widi gukʷəli da m̓əlm̓əlba kʷikʷ?

Gukʷəli da wəʔokʷi m̓əlm̓əlba kʷikʷ lax̌a ʔaƛ̓i.

Gukʷəli da wəʔokʷi m̓əlm̓əlba kʷikʷ lax̌a nəge.

Gukʷəli da wəʔokʷi nəxʷała lax̌a dəmsxi.

Masi ǧʷigilasas sa m̓əlm̓əlba kʷikʷ?

P̓əƛi da m̓əlm̓əlba kʷikʷ.

P̓əƛax̌əli le duxʷwaƛala x̌a həm̓ē.

C̓əlgʷalalap̓a.

Nanaqaʔsila 

λənƛay̓u…..6, 7, 15

ǧəy̓aǧas…..6, 7

c̓əlc̓əlq…..4, 5

xumps…..4

c̓əlk̓əx̌sdē…..4

ǧec̓əm…..8, 9

Q̓əyudap̓a

1. Masi ǧʷełasas sa m̓əlm̓əlba kʷikʷ?

2. Ǧʷixʔidam̓as c̓əmxʔid x̌a wałdəm “cəlcəlq”?

3. Ǧʷixʔidam̓as c̓əmxʔid x̌a wałdəm “kʷikʷ”?

4. Gənsi da k̓uk̓ʷəlnoʔs lax̌ux̌ da k̓ak̓adəxʷsilay̓u?