Nuc̓inox̌:

Wilami da gəlgaʔimas ʔixʔakdax̌ʷ qas le bagʷəns lox̌ʷxēwiyas Ǧaǧas.

̓aʔi:

ʔIxʔakən qən həm̓ape x̌a q̓umis naxʷała lax̌ lox̌ʷxēwiyas Ǧaǧas.

Mayus:

ʔIxʔakən qən həm̓ape x̌a gawiq̓anəmi naxʷała lax̌ lox̌ʷxēwiyas Ǧaǧas.

Nuc̓inox̌:

Dukʷəli nənwaqəm Ǧʷaw̓ina le gax̌ qasax̌əli Ǧaǧasi.

Ǧaǧas:

Ya! Haga bo, nusux̌ lox̌ʷxēwiya!

Wəq̓es: Dəxʷa, dəxʷa, dəxʷa, ləmən la bo!

̓aʔi: Dᶻəlxʷa, dᶻəlxʷa, dᶻəlxʷa, ləmən la bo! 

Ǧiwas: Dᶻəlxʷa, dᶻəlxʷa, dᶻəlxʷa, ləmən la bo!

Mayus: Dᶻəlxʷa, dᶻəlxʷa, dᶻəlxʷa, ləmən la bo!

M̓əlm̓əlba Kʷikʷ: P̓əƛusto, p̓əƛusto, p̓əƛusto, ləmən la bo!

Nuc̓inox̌:

Le wila qut̓i lax̌ēyas Ǧaǧas, le ǧʷał dᶻika.

Nənwaqəm Ǧʷaw̓ina:

ʔOlak̓ala ʔik, hem̓ən ʔola ʔəx̌ex̌sdacu qən həm̓ape x̌a q̓inəm gawiq̓anəmi!

Q̓əyudap̓a

1. Masi ʔixʔageyas sa gəlgaʔimas qis həm̓ape lax̌a lox̌ʷxēwiya?

2. Gənsi da baxʷəs lax̌ux̌ da nuyəmex?

3. Masi lagiłas Ǧaǧas co sa gawiq̓anəm lax̌ Nənwaqəm Ǧʷaw̓ina?