N̓əmokola ʔaƛələls qis yaq̓əntole.

C̓əlc̓əlkes sa məlməlba kʷikʷ, ʔaw̓əlxəy̓asi x̌ənc ʔik noqē.

N̓əmokola, ʔəwakəla laʔi da mənac̓i.

Ǧəlǧapołənox̌, ʔik̓ałənox̌ ninokē.

N̓əmokola, t̓əmcamēcuwi da mənac̓i.

Dənx̌ələnox̌, yəxʷamənox̌.

N̓əmokola, łok̓ʷimasi da n̓əmokola.

N̓əmmegənc lilqʷalaƛe, wilamənc ʔixq̓əlsəla le gənc dənx̌əla.

Q̓əyudap̓a

1. ʔIki da n̓əmukʷnukʷ. ʔIk̓iqəlam̓as x̌us n̓in̓əmukʷ? 

2. C̓əmxʔidas x̌a wałdəm n̓əmokola.

3. Wigilas qe ʔik̓iqəlus λiλəλola?