K̓̌ʷałi da ʔəbəmpi m̓əlm̓əlba kʷikʷ lax̌is waladᶻi qəlx̌ac̓i.

Malukʷi da m̓əlm̓əlba kʷikʷmənexʷ k̓ʷac̓o lax̌a qəlx̌ac̓i.

Ledi da ʔumpi m̓əlm̓əlba kʷikʷ ʔali qaʔi da k̓utəla lax̌a wa.

Ləm̓i p̓əƛax̌əla qis daxʔide x̌a k̓utəla lax̌is gec̓əmi.

Lem̓i təʔods x̌a k̓utəla lax̌a qəlx̌ac.

Lem̓i k̓ʷəlp̓i x̌a ʔəmʔəmēsto lax̌a k̓utəla qis həm̓gile lax̌is sasəm.

We, ləmi da ʔəbəmpi m̓əlm̓əlba kʷikʷ ʔali qaʔi da k̓utəla.

Hedi da ʔump m̓əlm̓əlba kʷikʷ la k̓ʷała lax̌a qəlx̌ac̓i.

Wałdəmk̓ənyu

m̓əlm̓əlba kʷikʷbidu - nəmukʷ xʷənukʷe sa kʷikʷ

qəlx̌ac̓i - gukʷe sa m̓əlm̓əlba kʷikʷ

k̓utəla - λiǧəme sa waʔokʷi maməʔimas

gec̓əm - c̓əmc̓əmes sa m̓əlm̓əlba kʷikʷ

‍

Q̓əyudap̓a

1. ʔƏngʷi da ʔəʔax̌sila x̌a m̓əlm̓əlba kʷikʷmənexʷ?

2. Ǧʷixidasm̓as k̓ak̓adəxʷsila x̌a wołdəm lax̌a wałdəmk̓ənyu?

3. ʔIxme da qəlx̌ila lax̌ ʔik̓aǧawēyas sa λosdᶻi? Qedam̓a?