Ǧʷixʔidasm̓ən daxʔi x̌a malaqəlaʔac̓i,

Ǧʷixʔidasm̓ən daxʔi x̌a dəmsxi λuwa kʷəx̌,

Ǧʷixʔidasm̓ən daxʔi x̌a babaw̓ayu,

Ǧʷixʔidasm̓ən malaqəla x̌a wila,

Pəx̌səmdənox̌ x̌a k̓ʷak̓ʷəx̌səmƛe,

ʔIsała qe le k̓ixʷwidaxʷa,

Le ǧʷał, legənox̌ ʔəx̌wəłcudəx̌, ʔəxədᶻola lax̌a pəłəga,

Ham̓iksilax̌dənox̌ ga hənx̌ƛəʔakʷ k̓ʷak̓ʷax̌səm qaʔi da gəbstola, ʔanax̌λənox̌ łaxʷəla ƛus!

Q̓əyudap̓a

1. Masi lagiłas gəwali da ʔəbəmpes x̌is xʷənukʷ ham̓iksila x̌a hənx̌ƛəʔakʷ k̓ʷak̓ʷax̌səm?

2. Gənsi da ʔiʔax̌əlyu lax̌ux̌ da k̓ak̓adəxʷsilayuwex̌?

3. ʔƏngʷax̌das ʔał c̓ac̓əłkəw̓a?