Mac̓ałi da ǧʷaw̓ina?

Gayuƛi da ǧʷaw̓ina lax̌a p̓ip̓əƛ̓imas.

C̓əlkʷi ʔəlkʷes.

Masi ǧʷełasas sa ǧʷaw̓ina?

C̓əleqəli c̓ułtu c̓əlc̓əlqes sa ǧʷaw̓ina.

Qalukʷi λənƛayuwes sa ǧʷaw̓ina.

ʔIxbi gec̓əmes sa ǧʷaw̓ina.

Walasi c̓əsqʷani da ǧʷaw̓ina.

C̓əsolołi da c̓əlc̓əlq lax̌ q̓uq̓unes sa ǧʷaw̓ina.

Dudək̓ʷisi da ǧʷaw̓ina.

Łok̓ʷimasi da ǧʷaw̓ina.

Lix̌ʔəni p̓ip̓əλəmes sa ǧʷaw̓ina.

Gəlt̓i c̓əlc̓əlxsteyas sa ǧʷaw̓ina.

Widi gukʷəli da ǧʷaw̓ina?

Q̓inəmi gukʷəlasas sa ǧʷaw̓ina.

Gukʷəli da wəʔokʷi ǧʷaw̓ina lax̌a ʔaƛ̓i. 

Gukʷəli da wəʔokʷi ǧʷaw̓ina lax̌a nəge.

Gukʷəli da wəʔokʷi ǧʷaw̓ina lax̌a ʔigəm̓ənǧʷis.

Masi ǧʷigilasas sa ǧʷaw̓ina?

Mimaxʷəli da ǧʷaw̓ina.

C̓əqaxi da ǧʷaw̓ina x̌a gawiq̓anəm λuwi da dᶻoli qe təp̓idesis x̌aləʔēsi.

ʔIxʔaki da ǧʷaw̓ina qis ʔəmłe.

ʔIxʔaki da ǧʷaw̓ina qis p̓əƛ̓ax̌əla λu q̓anilela.

Hadᶻəxc̓owi da ǧʷaw̓ina.

Yeq̓ənt̓ali da ǧʷiǧʷaw̓ina, q̓iq̓əyudap̓axdax̌ʷi.

Ǧʷa-ǧʷa-ǧʷa n̓iki da wəʔokʷi ǧʷaw̓ina.

C̓ək̓ałəli da wəʔokʷi ǧʷaǧʷəw̓ina lax̌ ǧʷigilasƛas sa nala.

Nanaqaʔsila

λənƛay̓u ….. 4, 5

ǧəy̓aǧas ….. 6, 7

c̓əlc̓əlq ….. 3, 4, 5, 6, 7, 8, 9

c̓əlk̓əx̌sdē ….. 8, 9

ǧec̓əm ….. 3, 4, 13

p̓əλəm ….. 3, 8, 9

Q̓əyudap̓a

1. Wik̓ali da ǧʷaw̓ina?

2. Ǧʷixʔidam̓as c̓əmxʔid x̌a wałdəm “c̓əlc̓əlqsti”?

3. Gənsi da kəlxsəmi lax̌ux̌ da k̓ak̓adəxʷsilay̓u?